Иргэний хэргийн хариуцагчийг албадан ирүүлэх ажиллагааны биелэлт, тулгамдаж буй асуудлын талаар ээлжит уулзалтыг зохион байгууллаа.
Тус шүүхийн Тамгын газрын дарга Л.Наянтай болон холбогдох албан тушаалтнууд 2026 оны 03 дугаар сарын 24-ний өдөр Нийтийн хэв журам хамгаалах, олон нийтийн аюулгүй байдлыг хангах албаны Шүүх, шүүгчийн аюулгүй байдлыг хангах хэлтсийн дарга, цагдаагийн хурандаа Б.Егор болон холбогдох албаны төлөөлөлтэй уулзалт хийв.
Уулзалтаар иргэний хэргийн хариуцагчийг албадан ирүүлэх ажиллагааны явц, биелэлтийг хэлэлцэж, цаашид хэрэгжилтийг сайжруулах, авч хэрэгжүүлэх арга хэмжээний талаар санал солилцлоо.
Энэхүү уулзалт нь байгууллага хоорондын хамтын ажиллагааг бэхжүүлэх, шүүгчийн захирамжийн биелэлтийг хангах чиглэлд чухал ач холбогдолтой боллоо.
